要提出分手，其實很難。
呢個世界無人想做衰人，尤其係先失掉愛情嘅一方（失掉愛嘅背後當然有好多原因)，好似無論點開口講分手嘅都一定係負心嗰個。所以自以為見慣世面嘅情人，總係會巧妙地將分手權留比另一方，表面上令對方以為係自己親手結束呢段感情，其實決定權根本就唔係自己手上。
當你嘅另一半已經決定咗唔要你嘅時候，佢會開始對你冷淡，而且對你嘅事無心裝載。成日話好忙唔得閑陪你，但係又有時間陪自己啲朋友。當你有心事同佢傾訴，佢完全無耐性去聽，而且仲會批評你嘅做事方法，批評你嘅個性，批評你啲朋友，批評你嘅衣着品味，甚至批評你嘅尊容。然後再屈指一算，佢都已經有幾個月無掂過你，有時夜晚你想去佢屋企過夜，佢會話因為太攰而拒絕你。從前好肯為你花錢嘅佢突然錙銖必較，唔單止唔再願意為你花費分毫，曾經承諾過想去嘅地方或者慶祝生日等等全部都無做到。...
See More
Search